Da Mau mit de Taschn, schwer schleppt se üba die Bruckn, schwer. Gestern war kana mit erm, und heit is kana da, und murgn, a ned. S’ Glick is a Vogal und Schicksal a Sturm, der nimmt a meu voi Woikn und blost des Vogal um. Und weust ned schwimma kaunst, weu kanna so schwimma …
Da Mau mit de Taschn, schwer
schleppt se üba die Bruckn, schwer.
Gestern war kana mit erm,
und heit is kana da,
und murgn, a ned.
S’ Glick is a Vogal
und Schicksal a Sturm,
der nimmt a meu voi Woikn
und blost des Vogal um.
Und weust ned schwimma kaunst,
weu kanna so schwimma kau,
in dem scheiss grossn Meer,
bist jetzt nimma mehr.
S’ Glick is a Vogal
und Schicksal is a Hurn.
Zaahts Vogal durch de Gosn
und Vogal is davroan.
S’ Glick is a Vogal
und Schicksal i a Sau.
Morgen is des Gros grün
oba du murst heit scho geh’,
morgn, wern de Bam bliahn,
oba du wirst es nimma sehgn.
Scheiss Glick
scheiss Schicksal.
Scheiss’, des wird’s imma so gehm.
Trotzdem…